امت شاہ ملک کی عوام اور سونیا گاندھی سے معافی مانگیں : کانگریس

 کانگریس نے آگسٹا ویسٹ لینڈ ہیلی کاپٹر سودا معاملے میں پارٹی صدر سونیا گاندھی پر لگائے جا رہے الزامات کو بے بنیاد اور جھوٹ کا پلندہ قرار دیتے ہوئے آج کہا کہ اس سراسر جھوٹ پر مبنی الزام کے لئے بھارتیہ جنتا پارٹی کے صدر امت شاہ کو ملک کی عوام اور کانگریس قیادت سے معافی مانگنی چاہئے۔
کانگریس میں کمیونیکیشن محکمہ کے



سربراہ رنديپ سنگھ سرجےوالا نے یہاں پریس کانفرنس میں کہا کہ مسٹر شاہ جس طرح کی سیاست پر اتر آئے ہیں، وہ ایک قومی پارٹی کے صدر کو زیب نہیں دیتا۔
کوئی بھی بات ملک کے سامنے رکھنے سے پہلے قومی سیاسی پارٹی کے صدر کو حقائق اور سچائی سے واقفیت حاصل کرنی چاہئے اور اس سلسلے میں بیان دینے سے پہلے اپنے عہدے کے وقار کا بھی ضرور خیال رکھنا چاہئے۔